Azərbaycan Qran-prisi “Formula-1” üzrə dünya çempionatının ümumi sıralamasında dəyişikliyə səbəb olub.
ONA-nın məlumatına görə, Bakı trasında qələbə qazanan Valtteri Bottas 1-ci pilləyə yüksəlib.
“Mersedes”in finlandiyalı pilotunun hesabında 87 xal var. Onun ikinci pilləyə enən komanda yoldaşı, böyük britaniyalı Luis Hamilton 1 xal geri qalır.
“Ferrari”nin üzvü Sebastyan Fettel 52 xala malikdir.
Qeyd edək ki, Mühəndislər kubokunda 173 xala malik “Mercedes” 1-cidir. “Ferrari” 99, “Red Bull” 64 xala malikdir.
