Futbol üzrə İspaniya kubokunda yarımfinal mərhələsinin cavab oyunlarına start verilib.
ONA-nın məlumatına görə, ilk finalçı “El Klasiko”da müəyyənləşib.
“Real” və “Barselona” Madriddə üz-üzə gəlib. Kataloniya təmsilçisi səfərdə oynamasına baxmayaraq, rəqibini böyükhesablı məğlubiyyətə uğradıb. Luis Suaresin dubla imza atdığı matçda Rafael Varan avtoqol müəllifi olub. Öz meydanında 1:1 hesablı heç-heçəylə kifayətlənən “Barselona” finala vəsiqəni “Santyaqo Bernabeu” stadionunda qazanıb.
Qeyd edək ki, yarımfinalın bu gün keçiriləcək digər oyununda “Valensiya” “Betis”lə qarşılaşacaq.
İspaniya kuboku
Yarımfinal, cavab oyunu
27 fevral
“Real” – “Barselona” – 0:3
Suares, 50, 73 (pen.), Varan, 69 (avtoqol)
İlk oyun – 1:1
