“Bavariya”nın üçillik hegemonluğuna son qoyuldu
  • İDMAN

  • 04:09 04 Avqust 2019

“Bavariya”nın üçillik hegemonluğuna son qoyuldu


Almaniya Superkubokunun qalibi müəyyənləşib.

APA -nın məlumatına görə, mükafatın sahibi Dortmundun “Siqnal İduna Park” sadionunda keçirilib.

Ötən mövsüm həm çempionat, həm kubokda qalib olaraq “Qızıl dubl”a imza atan “Bavariya” Dortmund “Borussiya”sı ilə görüşüb. Sonuncular Bundesliqanın gümüş mükafatçısı kimi Superkubokda oynamaq hüququ qazanıb.

Belə ki, ölkə çempionu kuboku da qazanarkən bəzi ölkələrdə finalçı, bəzisində gümüş mükafatçı Superkubokda qüvvəsini sınayır. Almaniyada bu hüquq çempionatın ikincisinə verilir. Ardıcıl 8-ci dəfə Superkubok matçına çıxan, yarışın yeddiqat qalibi olmaqla rekord sahibi Münhen təmsilçisi yeni mövsümə mükafatla başlamaq iddisası ilə çıxıb. Son üç ildə Superkuboku heç kimə verməyən, bunların ikisində məhz Dortmund təmsilçisini yenən “Bavariya” bu dəfə uğursuzluqla üzləşib.

Oyunun taleyini fasilədən sonra vurulan qollarla həll edən “Borussiya” 6-cı dəfə bu mükafatı başı üzərinə qaldırıb.

Almaniya Superkuboku
3 avqust

“Borussiya” D – “Bavariya” – 2:0 Alkaser, 48, Sanço, 79

Tahir Hümmətov

Teqlər:

OXŞAR XƏBƏRLƏR