“Atletiko” evdə, “Mançester Siti” səfərdə qələbə qazanıb
  • İDMAN

  • 01:54 21 Fevral 2019

“Atletiko” evdə, “Mançester Siti” səfərdə qələbə qazanıb

UEFA Çempionlar Liqasında 1/8 final mərhələsinin ilk oyunlarına yekun vurulub. ONA-nın məlumatına görə, son iki qarşılaşmada “Böyük beşlik” çempionatlarının təmsilçiləri üz-üzə gəliblər.

Madriddə İspaniya “Atletiko”su İtaliyanın “Yuventus” klubunu qəbul edib. Qarşılaşmanın taleyi matçın sonlarında həll olunub. 2 qol vuran meydan sahibləri inamlı qələbə qazanıblar.

Günün digər görüşü Almaniyada keçirilib. “Şalke” İngiltərənin “Mançester Siti” komandasını sınağa çəkib. Oyunda hesabı qonaqlar açsalar da, Helzenkirhen təmsilçisi fasiləyədək 2 qol vuraraq önə keçib. Görüşün sonluğunda azlıqda qalan Mançester klubu oyunda dönüş yarada bilib. 2 qol vuran Premyer Liqa təmsilçisi səfərdə 3:2 hesabı ilə qalib gəlib.

Qeyd edək ki, bu cütlər arasında cavab oyunları martın 12-də keçiriləcək.

UEFA Çempionlar Liqası

1/8 final

İlk oyunlar

20 fevral

“Atletiko” (İspaniya) – “Yuventus” (İtaliya) – 2:0

Ximenes, 78, Qodin, 83

“Şalke” (Almaniya) – “Mançester Siti” (İngiltərə) – 2:3

Bentaleb, 38-p., 45-p – Aquero, 15, Sane, 85, Sterlinq, 90

Vüqar Xeyrullayev

Teqlər:

OXŞAR XƏBƏRLƏR