Eden Azar: “Bakıda bunu bacarsaq, ideal vida olacaq”
  • İDMAN

  • 12:19 28 May 2019

Eden Azar: “Bakıda bunu bacarsaq, ideal vida olacaq”

“Bu, Avropa səviyyəli turnirdir. Elə buna görə də həm mən, həm məşqçi, həm klub, həm azarkeşlər üçün vacib əhəmiyyət daşıyır”. 

ONA-nın məlumatına görə, bunu İngiltərənin “Çelsi” klubunun futbolçusu Eden Azar deyib.

İspaniya “Real”ına keçməyə yaxın olan belçikalı futbolçu Avropa Liqasının sabah Bakıda keçiriləcək finalı barədə fikirlərini açıqlayıb. E.Azar “Arsenal”la görüşdəki qələbənin vacibliyini qeyd edib: “Siz finalda oynayırsızsa, bunun Çempionlar Liqası, Avropa Liqası, yoxsa Liqa kuboku olmasının fərqi yoxdur. Sadəcə qalib gəlmək, mükafatı evə aparmaq və bayram etmək istəyirsiniz. Mövsümün əvvəlində mayda hansı kuboku qazanacağımızı düşünürdük. Çünki “Çelsi” üçün mükafat vacibdir. Qol vurub-vurmamaqdan asılı olmayaraq qalib gəlmək istəyirəm. Bu, mənim son oyunumdursa, kuboku qazanmaq arzusundayam. Bakıda bunu bacarsaq, ideal vida olacaq”.

OXŞAR XƏBƏRLƏR