Əfsanəvi ingiltərəli futbolçu karyerasını bitirib
  • İDMAN

  • 00:01 16 Yanvar 2021

Əfsanəvi ingiltərəli futbolçu karyerasını bitirib

Əfsanəvi ingiltərəli futbolçu karyerasını başa vurub.

Apasport.az saytının məlumatına görə, 35 yaşlı hücumçu formasını geyindiyi “Derbi”nin baş məşqçisi təyin olunub.

Ötən ilin yanvarından klubun oynayan məşqçisi olan Runi anlaşmaya əsasən, 2023-cü ilin yayına qədər komandaya rəhbərlik edəcək. 

Gənc mütəxəssis yeni vəzifəyə təyin olunmasına münasibət də bildirib: “Brayan Klaff, Cim Smit, Frenk Lempard və Filipp Kokunun yolu ilə getmək böyük şərəfdir. Klubdakı hər kəsə, bütün azarkeşlərə söz verirəm ki, mən və məşqçi korpusum burada olduğu müddətdə komandanın potensialını tam ortaya qoymaq üçün əlimizdən gələni edəcəyik”.

Qeyd edək ki, ötən ildən “Debi”nin formasını geyinən Ueyn Runi 35 oyunda 7 qol vurub, 3 məhsuldar ötürmə verib. Keçən ilin noyabrında Filipp Kokunun istefasından bəri müvəqqəti baş məşqçi funksiyasını yerinə yetirib. Runi futbolçu karyerası ərzində “Everton”, “Mançester Yunayted”, “DS Yunayted”, həmçinin İngiltərə millisinin də şərəfini qoruyub. “Mançester Yunayted”lə Çempionlar Liqasını, Avropa Liqasını qazanıb, 5 İngiltərə Premyer Liqasının, 3 dəfə İngiltərə kubokunun, 1 dəfə isə Klublararası Dünya çempionatının qalibi olub. 120 matçda 53 qolla İngiltərə yığması tarixinin bombardiridir.

ONA

Teqlər:

OXŞAR XƏBƏRLƏR