“Həm azarkeşlər, həm futbolçular Bakıdakı finaldan zövq alacaqlar. Bu qarşılaşma daha bir çox çətin oyun olacaq”.
ONA-nın məlumatına görə, bunu İngiltərənin “Çelsi” klubunun qapıçısı Kepa Arrisabalaqa deyib.
İspaniyalı qolkiper Avropa Liqasının mayın 29-da Bakıda keçiriləcək final oyunu barədə fikirlərini açıqlayıb. Klubun rəsmi saytına danışan K.Arrisabalaqa “Arsenal”la görüşə titul qazanmaq üçün çıxacaqlarını qeyd edib: “Mayın 29-dakı qarşılaşma həm derbi, həm də finaldır. Belə oyunda istənilən hər şey baş verə bilər. Biz mümkün olan hər variant üçün hazırlaşırıq. Bakıya gedəcək və kuboku qazanmaq üçün döyüşəcəyik”.
