“Liverpul”un azarkeşi finaldan sonra Madriddə itkin düşüb
  • İDMAN

  • 13:07 03 İyun 2019

“Liverpul”un azarkeşi finaldan sonra Madriddə itkin düşüb

Çempionlar Liqasının iyunun 1-də keçirilən final oyunu bir azarkeşin itməsi ilə nəticələnib.

ONA-nın məlumatına görə, İngiltərənin “Liverpul” klubunun fanatı olan Makouli Niqas İspaniyanın paytaxtı Madriddə baş tutan “Tottenhem”lə görüşdən sonra itkin düşüb.

23 yaşlı azarkeş komandasının 2:0 hesabı ilə qalib gəldiyi oyuna atası ilə yollanıb. Onlar vaxtlarını fan-zonada keçirmək, iyunun 2-də İngiltərəyə qayıtmağı planlaşdırıblar. Amma qələbənin bayram edilməsindən sonra atası M.Niqası tapa bilməyib.

Fanatın bacısı bu barədə elan verib və məlumatı olanlara yardınla bağlı müraciət ünvanlayıb. İtən azarkeşin qardaşı Eşli isə Madridə yollanıb ki, atası ilə birlikdə xəstəxana və polis bölmələrini axtarsın.

OXŞAR XƏBƏRLƏR