Macarıstan yığması Azərbaycanla oyun üçün bir futbolçunu heyətdən kənarlaşdırıb
  • İDMAN

  • 10:34 03 İyun 2019

Macarıstan yığması Azərbaycanla oyun üçün bir futbolçunu heyətdən kənarlaşdırıb

Futbol üzrə Avropa çempionatının seçmə mərhələsində Azərbaycan millisinin rəqibi olan Macarıstan yığmasının heyətində dəyişiklik olub.

ONA-nın məlumatına görə, baş məşqçi Marko Rossi Attila Fiolanı heyətdən çıxarmağa qərar verib.

İyunun 8-də Bakıda millimizə qarşı keçiriləcək oyuna hazırlıqların ilkin mərhələsinə qatılan 29 yaşlı sağ cinah müdafiəçisi təlim-məşq toplanışının ikinci hissəsinə qatılmayıb. Buna səbəb futbolçunun hazırlıq səviyyəsidir.

Belə ki, “Videaton”un üzvü uzunmüddətli zədədən qayıtsa da, durumu baş məşqçini qane etmir. Bunu M.Rossinin özü açıqlayıb: “Biz futbolçunun özü ilə durumunu müzakirə etdik. O, komandamıza kömək edə bilməyəcəyi barədə fikirlərimlə razılaşdı. Biz Azərbaycan və Uelslə görüşlərə hazırlığı onsuz davam etdirəcəyik”.

Qeyd edək ki, iyunun 8-də baş tutacaq Azərbaycan – Macarıstan görüşü “Bakcell Arena”da keçiriləcək.

OXŞAR XƏBƏRLƏR