"Mançester Siti" yarımfinala yüksəlib, “Mançester Yunayted” kubokla vidalaşıb - [color=red]VİDEO[/color]
  • İDMAN

  • 02:14 17 Mart 2019

"Mançester Siti" yarımfinala yüksəlib, “Mançester Yunayted” kubokla vidalaşıb - VİDEO

İngiltərə Kubokunda 1/4 finala start verilib. ONA-nın məlumatına görə, mərhələnin ilk oyun günündə 3 qarşılaşma baş tutub. 

Günün gözlənilməz nəticəsi “Mançester Yunayted”in mübarizəni dayandırması olub. “Qırmızı şeytanlar” səfərdə gözlənilmədən “Vulverhempton”a 1:2 hesabı ilə uduzublar.

Mançesterin digər təmsilçisi - “Mançester Siti” isə "Suonsi" səfərindən qalib dönüb. “Şəhərlilər” 0:2 hesabı ilə geri düşdüyü matçda geridönüş edərək, 3:2 hesablı əzmkar qələbə qazanıb.

Sonuncularla yanaşı, “Vulverhempton” və “Uatford” mübarizəni yarımfinalda davam etdirəcəklər.

Qeyd edək ki, sonuncu yarımfinalçı bu gün keçiriləcək “Miluol” – “Brayton” matçında müəyyənləşəcək.

İngiltərə Kuboku
1/4 final
16 mart

“Uatford” – “Kristal Palas” – 2:1
Kapu, 27, Qray, 79 – Batşuayi, 62
“Suonsi” – “Mançester Siti” – 2:3
Qrimes, 20, (pen.), Selina, 29 – Bernardo Silva, 69, Nordfelt, 78, (avtoqol), Aquero, 88
“Vulverhempton” – “Mançester Yunayted” – 2:1
Raul Ximenez, 70, Jote, 76 – Raşford, 90

OXŞAR XƏBƏRLƏR