Şəhriyar Məmmədyarov FİDE-nin reytinq siyahısında mövqeyini qoruyub 
  • İDMAN

  • 09:22 01 May 2019

Şəhriyar Məmmədyarov FİDE-nin reytinq siyahısında mövqeyini qoruyub

FİDE yeni reytinq cədvəlini açıqlayıb. 

ONA-nın məlumatına görə, may üçün açıqlanan “Top-100”də 4 kişi və 2 qadın şahmatçımız yer alıb. 

Təmsilçilərimizdən ən yaxşı nəticə yenə Şəhriyar Məmmədyarova məxsusdur. Hesabında 2781 xalı olan qrossmeysterimiz 5-ci pillədə yer alıb. Mövqeyini qoruyan Ş. Məmmədyarov siyahıya başçılıq edən Maqnus Karlsendən (Norveç) 80 xal geri qalır. 

Teymur Rəcəbov 2759 xalla 12-ci, Arkadi Naydiç 2682 xalla 58-ci, Qədir Hüseynov 2654 xalla 97-cidir. 

Qadın şahmatçıların siyahısında Günay Məmmədzadə 2436 xalla 40-cı, Xanım Balacayeva 2373 xalla 92-cidir. Xanım zəka sahiblərin siyahısına Yifen Hou (Çin, 2662) başçılıq edir. 

Tahir Hümmətov

Teqlər: FİDE reytinq Şəhriyar Məmmədyarov

OXŞAR XƏBƏRLƏR