“Sevilya” Avropa Liqasındakı uğursuzluğa görə baş məşqçisi ilə vidalaşıb
  • İDMAN

  • 17:37 15 Mart 2019

“Sevilya” Avropa Liqasındakı uğursuzluğa görə baş məşqçisi ilə vidalaşıb

İspaniyanın “Sevilya” klubunda baş məşqçi istefası gerçəkləşib. ONA-nın məlumatına görə, La Liqa təmsilçisi Pablo Maçini vəzifəsindən kənarlaşdırıb.

Buna son həftələrdə göstərilən uğursuz nəticələr, xüsusilə də Avropa Liqasında mübarizənin 1/8 finalda dayandırılması səbəb olub. Çexiyanın “Slaviya” klubunu Sevilyada məğlub edə bilməyən (2:2) ispaniyalılar dünənki səfər matçının əlavə vaxtında 3:4 hesabı ilə uduzub.

Bundan başqa, komanda Primerada 27 turdan sonra 6-cı yerdə qərarlaşması da klub rəhbərliyini qane etmir. Baş məşqçi vəzifəsi müvəqqəti olaraq idman direktoru Xoakin Kaparrosa həvalə edilib.

Qeyd edək ki, istefaya göndərilən P.Maçin “Sevilya”nı 2018-ci ilin mayından çalışdırırdı.

Vüqar Xeyrullayev

Teqlər: Sevilya Avropa Liqası baş məşqçi

OXŞAR XƏBƏRLƏR