“Trabzonspor” Türkiyə kubokunda I liqa klubuna məğlub olub
  • İDMAN

  • 00:34 27 Fevral 2019

“Trabzonspor” Türkiyə kubokunda I liqa klubuna məğlub olub

Futbol üzrə Türkiyə kubokunda 1/4 final mərhələsinin cavab oyunları start götürüb. ONA-nın məlumatına görə, ilk  yarımfinalçı İstanbulda müəyyənləşib. I liqa təmsilçisi “Umraniyəspor” öz meydanında Super Liqa təmsilçisi “Trabzonspor”u  qəbul edib. İlk görüş qolsuz heç-heçə başa çatdığından cavab görüşü həlledici xarakter daşıyıb.

Qarşılaşmada hesabı Trabzon klubu açsa da, fasilədən sonra 3 qol vuran aşağı liqa təmsilçisi əzmkar qələbə ilə yarımfinala yüksəlib.

Qeyd edək ki, fevralın 27-də “Hatayspor” – “Qalatasaray” və “Göztəpə” – “Yeni Malatyaspor” qarşılaşmaları keçiriləcək. “Umraniyəspor”un rəqibi isə ayın 28-də baş tutacaq “Kasımpaşa” – “Akhisar” matçında bəlli olacaq.

Türkiyə kuboku

1/4 final, cavab oyunu

26 fevral

“Umraniyəspor” – “Trabzonspor” – 3:1

Leandrinyo, 55, Altıntaş, 66 (pen.), Çiçək, 90+7  – Nvakaeme, 35

İlk oyun – 0:0

Tahir Hümmətov

Teqlər:

OXŞAR XƏBƏRLƏR