Sabah AVRO-2020-nin seçmə mərhələsində ilk turun daha 7 oyunu keçiriləcək. ONA-nın məlumatına görə, A, B və H qruplarında mübarizəyə start veriləcək.
Beş komandanın mübarizə apardığı ilk iki qrupun hərəsində iki qarşılaşma keçiriləcək. A qrupunda İngiltərə öz meydanında Çexiyanı qəbul edəcək. Digər görüşdə isə Bolqarıstan Monteneqronu sınağa çəkəcək.
B qrupunda Portuqaliya və Ukrayna arasında görüş daha çox maraq kəsb edir. Lüksemburq isə Litva ilə üz-üzə gələcək.
Qonşu Türkiyə yığması H qrupunda ilk görüşünə çıxacaq. Şenol Günəşin baş məşqçi postuna qayıdışından sonra ilk matçını keçirəcək “ay-ulduzlular” Albaniyanın qonağı olacaq.
Qrupun favoriti olan son dünya çempionu Fransa Moldovada meydana çıxacaq. Andorra isə İslandiya ilə görüşəcək.
Qeyd edək ki, seçmə mərhələnin ilk 10 oyunu bu gün keçiriləcək.
AVRO-2020-nin seçmə mərhələsi
22 mart
A qrupu
21:00. Bolqarıstan - Monteneqro
Baş hakim: Ruddi Buke (Fransa)
Sofiya. Vasil Levski Milli Stadionu
23:45. İngiltərə - Çexiya
Baş hakim: Artur Manuel Ribeyro Soares Dias (Portuqaliya)
London. “Uembli” stadionu
B qrupu
23:45. Lüksemburq - Litva
Baş hakim: Roy Reynşreyber (İsrail)
Lüksemburq. Jozi Bartel stadionu
23:45. Portuqaliya – Ukrayna
Baş hakim: Klement Turpin (Fransa)
Lissabon. “Benfika” stadionu
H qrupu
23:45. Albaniya – Türkiyə
Baş hakim: Tobias Ştieler (Almaniya)
Şkoder. Loro Boriçi stadionu
23:45. Andorra – İslandiya
Baş hakim: Sandro Şarer (İsveçrə)
Andorra la Vella. Milli stadion
23:45. Moldova - Fransa
Baş hakim: Aleksandar Stavrev (Makedoniya)
Kişinyov. “Zimbru” stadionu
