“Xəzər Lənkəran”ın hakimi təhqir edən qapıçısı diskvalifikasiya olunub
  • İDMAN

  • 12:47 23 Aprel 2019

“Xəzər Lənkəran”ın hakimi təhqir edən qapıçısı diskvalifikasiya olunub

AFFA-nın İntizam Komitəsi aşağı yaş qrupları üzrə liqalarda baş verən xoşagəlməz hadisələri araşdıraraq müvafiq qərarlar verib. 

ONA-nın məlumatına görə, U-17 Liqasının “Mil-Muğan” (İmişli) – “Xəzər Lənkəran” matçının 65-ci dəqiqəsində hakimlər briqadasını təhqir etdiyinə görə meydandan kənarlaşdırılan qonaqların qapıçısı Ayaz Məmmədliyə cəza verilib.

O, dörd oyunluq diskvalifikasiya edilib. Oyunun 67-ci dəqiqəsində onun komanda yoldaşı Rəvan Quluzadə aqressiv davranışa görə birbaşa qırmızı vərəqə alıb. Bu səbəbdən futbolçu 2 oyun cəza alıb.

Komitə baş tutmayan oyunlarla bağlı qərarlarını da açıqlayıb. U-16 qızlar Liqasının UGİM (Xaçmaz) – “Keşlə” FK (Bakı) matçında qonaqlar iştirak etmədiyinə görə kluba 0:3 hesablı texniki məğlubiyyət verilib. Futzal üzrə Birinci Liqanın “Baku Fire” – “Abşeron”, ikinci Liqanın “Gənclik” İK – “Xəzər Astara” matçlarında nominal qonaqlar iştirak etmədiyinə görə hər iki kluba 0:5 hesablı texniki məğlubiyyət verilib.

Vüqar Xeyrullayev

Teqlər: AFFA İntizam Komitəsi cəza

OXŞAR XƏBƏRLƏR