Yunan-Roma güləşi üzrə Azərbaycan yığmasının Avropa çempionatı üçün heyəti açıqlanıb
  • İDMAN

  • 17:12 01 Mart 2019

Yunan-Roma güləşi üzrə Azərbaycan yığmasının Avropa çempionatı üçün heyəti açıqlanıb

Martın 4-dən 10-dək Serbiyanın Novi Sad şəhərində 23 yaşadək güləşçilər arasında Avropa çempionatı keçiriləcək. ONA-nın məlumatına görə, qitə birinciliyinin ilk 3 günündə yunan-Roma güləşçiləri mübarizə aparacaq. 
Bu məqsədlə müvafiq komandamız sabah Serbiyaya yollanacaq. Yığmamızın böyük məşqçisi Rövşən Bayramov və məşqçisi Emin Əhmədovun rəhbərliyi altında 7 güləşçi ilin ilk ciddi sınağına çıxacaq. Heyətdə Ziyad Zeynalov (55 kq), Mikayıl Rəhmanov (60 kq), İslambek Dadov (72 kq), Nəsir Həsənov (77 kq), Eltun Vəzirzadə (82 kq), Nəzərşah Fətullayev (87 kq), Arif Niftullayev (97 kq) və Sərxan Məmmədov (130 kq) yer alıb.
Qeyd edək ki, növbəti həftənin ilk günlərində sərbəst və qadın güləşi üzrə millilərimizin heyəti də açıqlanacaq.
 

Tahir Hümmətov

Teqlər:

OXŞAR XƏBƏRLƏR