Topaz Premyer Liqasında XVIII tura yekun vurulub. ONA-nın məlumatına görə, turun son qarşılaşması Sumqayıtda keçirilib.
“Kapital Bank Arena”da keçirilən görüşdə çempionatın autsayderləri “Sumqayıt”la “Zirə” üz-üzə gəlib. Matçın taleyini 1 qol həll edib.
İlk hissənin ortalarında hesabı açan paytaxt təmsilçisi 1:0 hesablı səfər qələbəsi qazanıb.
Bu qələbədən sonra sonuncu pilləni tərk edən “Zirə” 6-cı yerə yüksəlib. “Sumqayıt” isə 8-ci sıraya enib.
Qeyd edək ki, turun əvvəlki oyunlarında “Qəbələ” “Keşlə” ilə 0:0, “Sabah” “Qarabağ”la 1:1 hesablı heç-heçə edib. “Səbail” isə səfərdə “Neftçi”yə qalib gəlib – 2:1.
Topaz Premyer Liqası
XVIII tur
24 fevral (bazar)
“Sumqayıt” – “Zirə” – 0:1
Qol: Mfo Kqasvane, 23
Hakimlər: Əliyar Ağayev, Akif Əmirəli, Rza Məmmədov, Vüqar Həsənli
Hakim-inspektor: Əhmədağa Cabbarov
AFFA nümayəndəsi: Ramiz Mustafayev
“Kapital Bank Arena”, 18:30
|
Bombardirlər: Baqali Dabo ("Neftçi") - 8, Mahir Mədətov ("Qarabağ"), Marko Deviç ("Sabah") -7 qol.
