“BMT üzvü olan hər bir ölkə BMT-yə hesabat təqdim edir. Ermənistan bu il təqdim etdiyi hesabatda qondarma “Dağlıq Qarabağ Respublikası”nın da hesabatını yerləşdirməyə müvəffəq olub”.
ONA-nın məlumatına görə, bunu bu gün Milli Məclisin plenar iclasında deputat Azay Quliyev söyləyib.
A.Quliyev deyib ki, BMT İnsan Hüquqları Şurası öz səlahiyyətindən kənara çıxıb: “Hesabat 6 dildə yayılıb. BMT bu dəfə Ermənistanın təxribatına şərait yaradıb. BMT indiyə qədər bu cür qanunsuzluğa yol verməyib. Hətta hesabat “Artsax” adı ilə yerləşdirilib. Azərbaycanın BMT-dəki nümayəndəliyi buna etiraz etməli və hesabat BMT-nin saytından çıxarılmalıdır”.
