Böyük Britaniyanın Azərbaycandakı səfirliyi aprelin 14-də Dağlıq Qarabağda baş tutacaq “prezident seçkiləri”nin ikinci turu ilə bağlı bəyanat yayıb.
APA-nın xəbərinə görə, bəyanatda bildirilib ki, Böyük Britaniya aprelin 14-də Dağlıq Qarabağda baş tutacaq “prezident seçkiləri”nin ikinci turunu da tanımır.
“Böyük Britaniya bir daha ATƏT-in Minsk Qrupu və onun həmsədrlərinin sülh prosesindəki rolunu dəstəklədiyini vurğulayır. Biz beynəlxalq hüququn bütün dünyada tanınan prinsip və normalarının əhəmiyyətini vurğulamaqla bərabər, Azərbaycanın suverenliyini, ərazi bütövlüyünü və müstəqilliyini dəstəkləyirik. Biz Azərbaycan və Ermənistanı münaqişənin sülh yolu ilə həll olunması və etimadın yaradılması üçün səylərini sürətləndirməyə çağırırıq”, - deyə səfirliyin məlumatında qeyd olunub.
